Eusko Jaurlaritzak pandemiaren aurkako araudia aldatu ondoren, Santa Katalinako Lorategi Botanikoak bisita gidatuen zerbitzua berriro aktibatu du. Eskaintza horri esker, ordu eta erdi inguruko bisita batean, inguru naturala ezagutzeko aukera dute kontratatzen duten taldeek. Bisita horretan, gida batek botanikari eta enklabearen historiari buruzko xehetasunak azaltzen ditu. Bisita guztiak gehienez ere 20 pertsonako taldeetan egingo dira, eta parte-hartzaileek kutsatzea saihesteko ezarritako xedapen guztiak beteko dituzte.
