Denis Itxaso Euskadiko Gobernuko ordezkariak Santa Katalinako lorategi botanikoa bisitatu du, Gobernuaren Arabako ordezkariorde Carlos Zapaterorekin batera. Miguel Angel Montes, Iruña Okako alkateak, Udalbatzako hainbat kiderekin batera, erakundeetako arduradunak gidatu ditu Trespuentesko parke naturalean egin duten bisitan, botanikaguneak, monasterioaren aurriak, bonsai-erakusketa eta tximeleten gunea erakutsiz.
Era berean, alkateak Lorategian azken urteetan egin diren jarduketak azaldu ditu, baita Udaleko gobernu taldeak etorkizun hurbilean garatzeko asmoa dituen proiektuak ere.
Denis Itxaso “gustura” agertu da paraje naturalaren edertasunagatik. Paraje natural horri “aurkikuntza” kalifikazioa eman diote, eta Arabako eskaintza garrantzitsuaren barruan bere potentzial turistikoa nabarmendu du.
